حوال تا رد ئٹ تدوکا دے تیٹ بلیدہ آن بیگواہ کننگوک تربت نا جہی ورنا تیکن خاہوت نا کنڈ آن تربت ئٹ کشوکا ریلی ئے ایف سی و پولیس کسر آ تورے۔
پنچ نومبر آ بلیدہ آن بیگواہ کننگوک شیر جان درویش و شش نومبر آ بلیدہ آن بیگواہ کننگوک ارشاد نا آجوئی کن اوفتا خاہوت نا کنڈ آن کشوکا ریلی ئے ایف سی و پولیس کسر آ تورے۔
خاہوت شہید فدا چوک آ درو آن تولوک برانز کننگ اس و اینو شہید فدا چوک آن ڈی سی نا دفتر اسکان برانزی ریلی ئس کشنگ اس۔
حوال تا رد ئٹ پولیس و ایف سی پرامن برانزی تِہ دا پارِسہ تورینے کہ او اوفتِہ مُستی برانز کن الوفس۔
