بلوچستان نا دریابی شار گوادر آن حوال رسینگانے کہ پاکستانی لشکر اسہ بندغ ئسے دزگیر کننگ آن گڈ بیگواہ کرینے۔
پاکستانی لشکر نا دو آن زوراکی ئٹ بیگواہ کننگوک ورنا گوادر نا جہی اسحاق نا مار نعمان پن ئٹ درست مسنے۔
بلوچستان ئٹی زوراکی نا بیگواہی تا تدینی تیٹی اسہ اوار ئس پدا تیزی بسُنے ہراڑے ہنوکا توُ آن دائسکان 100 ئنا کچ بندغ زوراکی ئٹ بیگواہ کننگانو و برجاء غا تو ئٹی 18 بیگواہی نا حوال رسینگانے ہرافتیان دہ بندغ پدا آجو مسنو۔
بلوچستان ئٹی سیاسی تنظیم آک زوراکی ئٹ بیگواہی تیٹی تیزی آ فریشانی نا درشانی کرسا جہانی بندغی حق آتا ادارہ غا تیان خواست کرینو کہ اوفک دا تدینی تا برخلاف پاکستان آن ہرّفِر و بیگواہ مروکا بندغ آتا آجوئی کن کڑدار ادا کیر۔
