بلوچستان نا ضلع کیچ ئنا بنجائی شار تربت آن پاکستانی لشکر نن نیمہ غا اُرا غا چھاپہ خلِسہ مسڑ ئسے اونا ایلم تون اوار دزگیر کرسا تینتو درے۔
پاکستانی لشکر نا دو آن دزگیر کننگوک مسڑ نا چاہنداری لال بی بی و اونا ایلم نا چاہنداری بھلین نا مار نثار نا پن ئٹ مسنے۔
بلوچستان نا صحافی و تنظیم آک تومکا تا دزگیری ئے پک کرسا پارینو کہ پاکستانی لشکر اینو سہب ئنا لال بی بی ئے یلہ کرینے ولے اونا ایلم دائسکان پاکستانی لشکر تون ءِ۔
بی وائے سی دا رد ئٹ بیان ئس شنگ کرسا پارینے کہ لال بی بی، بی ایس نرسنگ نا گڈیکو سیمسٹر نا خوانندہ ئس ءِ، ہرادے اونا اُراغان اونا ایلم تون اوار پاکستانی لشکر دزگیر کریسس و اینو اودے یلہ کننگانے۔
او پارے کہ اینو ولدا پاکستانی لشکر اوفتا اُراغا چھاپہ خلِسہ اونا ایلو ایڑ ئنا موبائل ئے درینے و لال جان ئے دڑکو تننگانے کہ اودے ہراتم ہم کیمپ آ خواہفنگا او کیمپ آ برے و پیشی تے۔
