بلوچستان نا بنجائی شار شال ئٹ نادرست آ بندغ آک زوراکی ئٹ بیگواہ کننگوک بندغ آتیکن شال پریس کلب نا مونا برجاء وی بی ایم پی نا بین برانزی کیمپ ئے ہُشار۔
وی بی ایم پی نا کنڈ آن چاگڑدی حوالکاری میڈیا غا ہُشنگوکا کیمپ ئنا وڈیو شنگ کرسا پاننگانے کہ ننا کیمپ ئے اسہ وار پدا نادرست آ بندغ آک بُن تسنو۔
خیال ئٹ مرے داکان مُست ہم کیہی وار پاکستانی ڈھکوک ادارہ غا تا کارندہ غاک نہ بیرہ شال بلکہ کراچی ٹی ہم زوراکی ئٹ بیگواہ کننگوک بندغ آتیکن برجاء وی بی ایم پی نا کیمپ ئے ہُشانو۔
