کراچی ٹی اَسہ ٹیکسٹائل مل ئسیٹی سُمکاری آن ارا چینی شاری ٹپی مسُر۔
کراچی پولیس پارینے کہ سُمکاری نا تُدینی سائیٹ انڈسٹریل ایریا ٹی ساڑی اَسہ ٹیکسٹائل مل ئسیٹ مسنے۔
پولیس کالخواہ تا رد ئٹ ٹیکسٹائل مل ئنا سیکیورٹی گارڈ و فیکٹری ٹی کاریم کروک اِرا ڈن ڈیہی ملازم تا نیام ئٹ تلخ کلامی مس۔
کالخواک پاریر کہ تلخ کلامی آن پد سیکیورٹی گارڈ سُمکاری کرے ہرانا سوب آن ارا ڈن ڈیہی شاری ٹپی مسُر۔
ریسکیو کالخواہ تا رد ئٹ ٹپی مروکا تِہ جانجوڑی کمک تننگ کن اسپتال آ درینو۔
لیاقت نیشنل اسپتال نا جارکش پارے کہ تومکا تا علاج برجاء ءِ، ہرافتیٹ اسٹ نا حالیت خراب ءِ۔
