زوراکی ئٹ بیگواہ کننگوک خصدار نا جہی سلمان بلوچ نا خاہوت نا کنڈ آن بیان ئس شنگ کرسا پاننگانے کہ 7 نومبر 2024 آ ویگہ نا 3 بجہ غا شہید عبد الرزاق چوک آن آزادی چوک اسکان اسہ برانزی ریلی ئس کشنگ مرو۔
برانزی ریلی سلمان بلوچ نا زوراکی نا بیگواہی نا اِرا سال پورو مننگ آ اڈ تننگو، ہرا اِرا سال آن بیگواہ ءِ۔
سلمان بلوچ ئے 13 نومبر 2022 آ کوئٹہ آن زوراکی ئٹ بیگواہ کننگاسس۔
بیان ئٹ سلمان بلوچ نا ایڑ سعدیہ بلوچ پارے کہ ای غٹ بندغ دوست سیاسی و چاگڑدی کاریم کروک، وکیل، خوانندہ، صحافی و زند ئنا ایلو شعبہ تیان تعلقداری تخوکا بندغ آتیان خواست کیوہ کہ او ریلی ٹی بشخ ہلیر۔ ننا مسخت السی شعور ئے بیدار کننگ و زوراکی نا بیگواہی تا برخلاف توار بڑز کننگ ءِ۔
بیان ئٹ ودیک پاننگا کہ 7 نومبر آ ننکان 8 بجہ آن 12 بجہ اسکان ایکس (X) آ اسہ کمپین ئس ہم چلفون، و نُما اوڑدئی و مخ تفی دا جہد ئٹ ننا حوصلہ تِہ بُڑز کرون۔
