بی ایل ایف نا ترجمان میجر گہرام بلوچ میڈیا غا شنگ کروک تینا درشان ئسیٹی پارینے کہ سرمچارک 03 نومبر یک شمبے نا دے آواران نا ہند کولواہ مرہ شم و کنیچی نا نیام عبدو بازار نا ہند آ کوزہ گیر پاکستانی لشکر آ مُست آن سنگر ہلِسہ پوسکن انگا سلاہ تیٹ جلہو کریر، جلہو ہنداخس سخت اسک کہ شش کارندہ ہمو جاگہ غا مرگ ئنا گواچی مسر و کیہیک ٹپی مسُر۔
او پارے کہ پاکستانی لشکر نا دا کاروان آواران و ہیب ءَ کھیب نا علاقہ غا تیٹی آپریشن کن سر مسس ولے بی ایل ایف نا انٹیلیجنس ٹیم ئنا حوال تننگ آ تنظیم نا اسپیشل اسکواڈ نا گشتی ٹیم ئتون اوار مرسا اوفتا سخت جلہو کریر۔
اونا پاننگ اس کہ بی ایل ایف ساڑی آ وخت ئنا جنگی خواست آتِہ ہُرسا تینا حکمت عملی تِہ پین گچین و پوسکن کرینے۔ دا حکمت عملی نا رد ئٹ تنظیم نا انٹیلیجنس ٹیم، اسپیشل اسکواڈ و قربان یونٹ ہر محاذ آ ساڑی ءِ و دشمن ئے ہندنو کاری ضرب خلنگ ءُ کہ ہرافتا دشمن ئے گمان ہم اف۔ بروکا وخت ئٹ پاکستانی لشکر و اونا اہم انگا ماڑی تیا سخت و ہبکہ کروکو جلہو کننگ مرو، ہراڑان دشمن نا تاغت ئے بھس کرسا ہدف آتِہ سرسوبی ئٹ مزل آ سر کننگو۔
ترجمان پارے کہ پاکستان بلوچ سرزمین آ کوزہ کرسا نہ بیرہ بلوچ راج ئنا دیہاڑ و دود ربیدہ ئے مسخ کننگ نا کوشست کننگ ءِ بلکہ تینا زوراکی تا کاروائی تیٹ ظلم و بربریت نا اسہ پوسکنو دیہاڑ ئس نوشت کرینے۔ ولے بلوچ راج ئنا دلیر آ فرزند آک ہر محاذ آ، خاص سلاہ بند جہد ئٹی، دشمن ئے شکست تننگ ءُ، ہراڑان دشمن نفسیاتی زوال و بے اومیتی نا گواچی مسنے۔
او ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک ۔ پاکستانی لشکر نا پیش تمنگ اسکان بلوچستان ئٹی سلاہ بند جلہوک برجاء مرور۔
