بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئٹی پارے کہ سرمچارک کیچ و آواران ئٹی کوزہ گیر دشمن نا چوکی تِہ ٹک کریر۔
او پارے کہ 2 نومبر آ شام ئنا شش بجہ غا آواران نا ہند تیرتیج جک ئٹی اڈ تروک کوزہ گیر پاکستانی لشکر نا چوکی ئے سرمچارک ٹک کریر، بی ایل ایف اسنائپر ٹیم چوکی ٹی سلوک اسہ کارندہ ئسے ٹک کرے ہرانا دک ئٹی بروک کوزہ گیر لشکر نا اسہ کارندہ ئس مرگ ئنا گواچی مس۔
اونا پاننگ اس کہ ایلو کاروائی ئے کیچ ئنا ہند بانبلو ٹی سرمچارک کریر۔ یک شمبے نا دے سہب ئنا ہشت بجہ غا بانبلو زامران ئٹی اڈ تروک کوزہ گیر پاکستانی لشکر نا چوکی ئے پوسکن و بھلا سلاہ تیٹ ٹک کریر ہراڑان دشمن ئے جانی و مالی نسخان تون مون تروئی تما۔
اونا ودیک پاننگ اس کہ تنظیم تینا جنگی حکمت عملی تیان بلوچستان نا ہر ہند ئٹی کوزہ گیر لشکر ئے نفسیاتی شکست نا گواچی کرینے ہرانا سوب آن کوزہ گیر لشکر لس مخلوق ئے ٹک کرسا تینا بے سوبی ئے ڈکھنگ نا بےسوب کوشست کیک۔
میجر گہرام بلوچ ایسر ئٹ پارے کہ بلوچستان لبریشن فرنٹ دا ہڑتُما جلہو تا زمہ واری ئے ہرفک و آجو بلوچستان اسکان کوزہ گیر لشکر، اونا کمکار و ماڑی تِہ ٹک کرسا کرو۔
