بلوچ آبادی تِہ زور ئٹ اوفتا اُرا تیان کشنگ زنک کشی نا چم بازی ئس ءِ۔ جہانی کہول دا نا نوٹس ہلے۔ بلوچ یکجہتی کمیٹی
بلوچ یکجہتی کمیٹی تینا شنگ کروک بیان ئٹی پارے کہ کیچ ئنا علاقہ مند ئنا جہہ مھیر نا ہندی بندغ آتِہ زور ئٹ اوفتا اُرا و ڈغار تیان کشنگ ریاست نا کنڈ آن بلوچ زنک کشی نا اسہ ذریعت ئس ءِ، پاکستانی لشکر سکیورٹی نا پِن آ جہی آ مخلوق نا ڈغار تیا کوزہ کرسا کیمپ اڈ تننگ ءِ ہرا نا بھرم ئٹ جہی آبادی تِہ زوراکی ئٹ تینا باوہ پیرئی اُرا تیان کشنگ مننگ ءِ و اوفتِہ بے اُرا باہوٹ تا وڑ زند گدریفنگ آ بیوس کننگ ءُ۔
بی وائی سی نا کنڈ آن پاننگانے کہ مھیر مند ئنا جہی آ مخلوق ئے تینا باوہ پیرئی اُرا تیان کشِسہ اوفتا زند و میراث ئے خطرہ ٹی شاغنگ ءُ، ہرا بنداوی بندغی حق ئنا سخت لتاڑ ءِ۔
بلوچ یکجہتی کمیٹی جہانی کہول و بندغی حق آتا تنظیموں آتیان خواست کرینے کہ او بلوچستان ئٹی مروکا بے قانودی و جہی بندغ آتا حق آتا لتاڑ نا نوٹس ہلیر۔
