پنجاب حکومت چینی شاری تا رکھ کن بمب پروف اُلاخ ہلنگ نا فیصلہ کرینے، ہراڑکن 50 کروڑ زر نا منظوری تننگانے۔
شابیتی حوال تا رد ئٹ پنجاب حکومت نا صوبہ ٹی چینی شاری تا سیکیورٹی کن بمب پروف اُلاخ ہلنگ نا فیصلہ کرینے۔ پنجاب حکومت لاری تے ہلنگ کن 50 کروڑ زر نا منظوری تسُنے۔
آئی جی پنجاب نا سفارش آ صوبائی کابینہ منظوری تسنے۔ وفاقی حکومت 2016 ٹی 23 گاڑی چائنیز و ایلو وی آئی پیز آتیکن ہلکسس۔ واہم 2016 آن پد سی پیک تون اوار ایلو ڈٹ تیٹ ودکی آن گاڑیک کم تمار۔
یاتی مرے کہ بلوچ لبریشن آرمی 2018 آن چرجوئی ئٹ چین ئنا معاشی و عسکری مفاد آتے ٹک کننگ ءُ۔ گوادر پورٹ، سی پیک، سیندک و ایلو پراجیکٹ آ تا سوب آن بلوچستان ئٹی چائنیز انجینئر و ایلو کارندہ تیا بی ایل اے نا جلہو تیان پاکستانی کالخواہ تا فریشانی تیٹ ودکی مسنے۔ کالخواک فریشانی نا درشانی کننگ ء کہ کراچی آن پد بلوچ عسکری گروپ پنجاب اسکان کاروائی تا پلویڑ ءِ تالان کیک۔
تجزیہ کار تا پاننگء کہ ہندا کراچی ٹی بھاز حساس ہند آسخت سیکیورٹی حصار ئٹی چین نا انجینئر آتیا بی ایل اے فدائین یونٹ مجید برگیڈ و انٹیلیجنس ونگ زراب نا سرسوب جلہو پھاش کیک کہ تنظیم تیبہ غا پاکستان ئٹ ہر جاگہ غا چین ئنا مفاد و ڈٹ تیا جلہو کننگ نا لائخی تخِک۔
