بلوچستان نا ضلع مستونگ ئٹی سول اسپتال و گرلز اسکول چوک آ پولیس موبائل نا کیب آ تراک ئس مس ہراڑان اسکول نا پنچ خوانندہ تون اوار ہفت بندغ بیران و 17 آن گیش بندغ ٹپی مس۔
تراک سہب ئنا ہشت بجہ و سی و پنچ منٹ 8:35 آ سول اسپتال مستونگ نا کیب آ مس۔
بمب اسکوٹر ئسے آ لچفوک مسنے۔ دا وخت آ ہفت بندغ نا بیرانی پک مسنے۔ ہرافتیٹی پنچ اسکول نا مار و مسڑ اوار ءِ۔
کمشنر قلات ڈویژن نعیم بازئی پارے کہ تراک ئٹی 17 بندغ ٹپی مسنے، ہرافتے نواب غوث بخش میموریل اسپتال و سول اسپتال آ درمان کننگ ءُ۔
او مُستی پارے کہ ٹپی آتان شش بندغ نا حالیت خراب ءِ ہرافتے کوئٹہ غا مون تننگ ءُ۔
مُست، پولیس پارے کہ تراک پولیس موبائل نا خُڑک آ مسنے۔ ہراڑان لاری بھس مس و رکشہ تے ہم نسخان رسینگانے۔
