بلوچستان نا سرکاری اسپتال تیٹ تدوکا ہفت تُو آن دارو تا کمبوتی ءِ۔
بلوچستان نا بنجائی شار شال تون اوار ایلو علاقہ تیٹ سرکاری اسپتال آتیٹ دارو تا وے افی ءِ، تدوکا ہفت تُو ئٹی محکمہ جانجوڑی اسپتال آتیکن دارو تننگ کتنے۔
وزیر اعلی بلوچستان نا کنڈ آن پانزدہ دے مُست دارو فراوان کننگ نا فرمان تننگاسس ولے اوڑا ہچو عمل متنے۔
بلوچستان نا سرکاری اسپتال آتیٹ برجاء سال اپریل ئٹی داروک کُھٹاسر ہراکان گڈ اینخو مالی بجٹ ئٹی دارو بہا ئٹ ہلنگ کن اِرا ارب روپئی تخنگاسس واہم شش تُو گدرینگ آن پد ہم بلوچستان نا سرکاری اسپتال تیٹ دارو فراوان کننگ متنے۔
دارو تا وے افی نا سوب آن بلوچستان نا کُل اسپتال تیٹ دارو اف داڑے اسکان کہ شعبہ تُدینی ٹی کاریم کروکا تون ساٹھ ہم اف۔
بنجائی شار شال ئٹی اِرا بھلو سرکاری اسپتال ءُ ہرافتیٹی دارو تا کمبوتی و ایمرجنسی شعبہ تیٹ دارو تا وے افی آ شاریک غاو کرینو کہ اسپتال آتا و او پی ڈی تا حالیت ہم خراب ءِ، سرکاری اسپتال آتا او پی ڈی تیٹ کاریم کروکا بندغ آک شاری تا بے شرفی ئے کننگ ءُ۔
شاریک پارینو کہ غٹ دارو تِہ سی ایم ایچ آ راہی کننگ ءُ و بلیک مارکیٹ ئٹی بہار کننگ ءُ اندا اسپتال تیٹ بھاز کم دارو فراوان کننگک ہرا نا سوب آن ہامدیکا کاختی ئس ودی کننگ ءُ۔
