بلوچ یکجہتی کمیٹی نا کنڈ آن “چُپی ئے پرغنگ: زوراکی نا بیگواہی تا برخلاف بش مننگ” نا سر حال ئٹ تیبہ بلوچستان ئٹ بناء کروک برانزی ریلی تا رد ئٹ اینو چاغی ٹی برانز اڈ تننگا۔
شابیتی حوال تا رد ئٹ بلوچ یکجہتی کمیٹی نا کنڈ آن چاغی، یک مچ ئٹی زوراکی نا بیگواہی تا برخلاف ریلی کشنگا و برانز ریکارڈ کننگا۔
چاغی ریلی ٹی زوراکی نا بیگواہی تا گواچی مروک بندغ آتا خاہوت آتتون اوار شار ئنا بندغ آک اوار مسر۔
یات مرے بلوچ یکجہتی کمیٹی نا کنڈ آن “چُپی ئے پرغنگ: زوراکی نا بیگواہی تا برخلاف بش مننگ” نا سر حال ئٹ داکان مُست سندھ ئنا بنجائی شار کراچی و بلوچستان نا شار حب چوکی، خضدار، تربت، پنجگور، خاران، کوئٹہ، نوشکی، دالبندین ئٹی برانز ریکارڈ کننگانے۔
بلوچ یکجہتی کمیٹی نا کنڈ آن برانز آتا پڑو اندا تُو ئٹی زوراکی نا بیگواہی تیٹ ترندی نا بر خلاف کننگاسس۔
