پنجگور ئٹی سلاہ بند بندغ آک ڈیتھ سکواڈ نا کارندہ تیا جلہو کریر ہرافتان کیہیک مرگ ئنا گواچی مسر۔ اندن گورکوپ ئٹی ڈیتھ اسکواڈ نا اَسہ کارندہ ئسے نا جون خننگانے۔
درو سلاہ بند بندغ آک ڈیم ئنا رکھ ئکن سلوک ڈیتھ اسکواڈ نا کارندہ غا تیا ہموتم جلہو کریر ہراتم او ہندی اُلاخ آ تیان زر ہلنگ اسُر۔
جلہو ٹی پنچ ڈیتھ اسکواڈ نا کارندہ کھسُکر و اِرٹ ٹپی مسُر۔ کھئوکا تا چاہنداری مجبور آباد پنجگور نا جہی محمد علی نا مار ظاہر علی، کوئٹہ نا جہی امین اللہ، سندھ ئنا جہی نواز، سنگے قلات چتکان پنجگور نا جہی محمد حق ئنا مار حسین علی و بالگتر نا جہی انعام اللہ نا مار عبدالغفور نا پن تیٹ مسنے۔
کیلکوت بالگتر نا جہی شہزاد نا مار محمد شفیع تون اوار اَسہ پین بندغ ئس ٹپی مسُنے۔
ایلو کنڈ آن ضلع کیچ ئنا ہند گورکوپ آن اَسہ ڈیتھ اسکواڈ کارندہ ئسے نا جون خننگانے ہرادے سُم خلِسہ کھسفنگانے۔
حوال تا رد ئٹ درو سلاہ بند بندغ آتا دو آن بیگواہ کننگوک مقصود (باوہ نا پِن گوران) ہراکہ ہوشاب تال سر نا جہی ئس ءِ نا جون گورکوپ، سری کلگ آن خننگانے۔
ہندی حوالکار تا رد ئٹ ہندا بندغ نا تعلقداری حکومتی مخ تفی ٹی کاریم کروک ٹولی ڈیتھ اسکواڈ آن اسک واہم تدینی نا پدٹ سوب آک دائسکان سما تمتنو۔
