بلوچ نیشنل موومنٹ ( بی این ایم ) نا بنجائی ترجمان تینا شنگ کروک درشان ئٹی پارینے کہ 13 نومبر آ بلوچ شہید آتِہ یات کننگ و اوفتا قربانی تِہ دروت ندر کننگ کن بلوچ نیشنل موومنٹ (بی این ایم) نا کل ہنکین و چیپٹڑ تیٹ مجلس اڈ تننگ مرو۔
دا دے آ ہمو ہزار آ بلوچ شہید آک یات کننگ مرور ہراکہ بلوچستان نا آجوئی و بلوچ راج ئنا خوشحال انگا بروکاتم کن تینا کاٹم تا ٹیکی تسر۔
ترجمان پارینے کہ بی این ایم نا “صفحہ شہداء” (شہید آتا تاک) ئنا کنڈ آن سینزدہ نومبر نا رد ئٹ چاگڑدی حوالکاری میڈیا غا شہید آتا بابت ئٹ مواد شنگ کننگ مرو۔
