بارکھان ئٹی بٹیر ٹک نا جہہ آ خلوک موبائل ٹاور ئے سلاہ بند بندغ آک ہُشسہ بھس کریر۔ اندن گوادر آن اسہ بندغ ئسے نا جون خننگانے۔
حوال تا رد ئٹ سلاہ بند بندغ درو یوفون کمپنی نا موبائل ٹاور ئے مشین تتون اوار ہُشسہ بھس کرینو۔
موبائل ٹاور تِہ ہُشنگ نا ذمہ واری تِہ مُست آن آجوئی خواہوک سلاہ بند تنظیم آک ہرفینو واہم دا جلہو نا ذمہ واری ئے دائسکان کس ہرفتنے۔
ایلو کنڈ آن گوادر ئٹی میر کمپنی نا خڑک آن اسہ جون ئس خننگانے۔
جون ئنا چاہنداری فرویز نا پن ئۓ مسنے ہرا نا دوک نک چھٹ آتیٹ تفوک مسنو۔
حوال تا رد ئٹ جون آ بیدادی کرسا کھسفنگانے و جنگل ئٹی خسنگانے۔
واہم کھسفنگ نا سوب دائسکان سما تمتنے۔
