بلوچستان نا بنجائی شار شال ئٹی درست مفروکا بندغ آک پاکستانی لشکر نا بنجائی کینٹ آ جلہو کریر۔
درست مفروکا بندغ آک کیہی مارٹر گولہ کینٹ ئنا تہٹی خسار ہرا ترند تراک ئٹ ترخار۔
دا وختا شار ئٹی مُر اسکان کیہی تراک آتا توار بِننگ مس۔
شال پولیس مارٹر جلہو تِہ پک کرسا پارے کہ اسہ مارٹر گولہ ئس ماڈل نا خڑک بجلی نا کھمبہ ٹی لگانے ہراڑان شار ئنا جتا جہہ تیٹ بجلی ہنانے۔
واہم لشکری کوالخواہ تا کنڈ آن ہچو جانی و مالی نسخان نا حوال دائسکان مونا بتنے۔
