شال پریس کلب نا مونا زوراکی نا بیگواہی تا برخلاف ‘وائس فار بلوچ مسنگ پرسنز’ نا برانزی کیمپ ئے اینو 5613 دے مس۔
اینو’وومن ڈیموکریٹک فرنٹ’ نا فاطمہ خلجی ایڈوکیٹ، شعیب ایڈوکیٹ، محمد امین مگسی ایڈوکیٹ و ایلوفک بسّر اواری نا درشانی کریر۔
دا وختا تنظیم نا وائس چیئرمین ماما قدیر بلوچ تران کرسہ پارے کہ بلوچستان ریاست نا زوراکی نا گواچی مسّنے و ارے۔ دہنو دے ئس گدرینگپک کہ بلوچ ورنا ئس بیگواہ کننگپ، دا تُو ئٹی زوراکی نا بیگواہی تیٹ ودکی کننگانے۔
او پارے کہ ہڑدے زوراکی نا بیگواہ تا گواچی مروکا بندغ آتا حوالک رسینگرہ۔ ہندن زوراکی ئٹ بیگواہ کننگوکا بندغ آتا آجوئی کن ایمنی ئٹ برانز کروکا تہ ہم لٹ کُٹ کننگک۔
