بلوچستان نا ضلع گوادر نا تحصیل پسنی آن پاکستانی لشکر و ڈھکوک ایجنسی تا کارندہ غاک 17 سالی مار ئس دزگیر کننگ آن گڈ بیگواہ کرینو۔
بیگواہ کننگوک مار ئنا چاہنداری لال بخش نا مار قدیر احمد نا پن ئٹ مسنے۔
وائس فار بلوچ مسنگ پرسنز نا رد ئٹ، پن کروک ورنا ئے برجاء تُو ئنا 19 تادیخ آ بیگواہ کننگانے۔
خیال ئٹ مرے زوراکی ئٹ بیگواہی تا لڑ ئٹ اسہ وار پدا بیم تروک سیم اسکان ودکی مسنے و برجاء تُو ئٹی بلوچ آک بلوچستان نا جتا علاقہ و کراچی آن بھلو کچ ئسیٹی بیگواہ کننگانو۔
زوراکی نا بیگواہی تا ودوکا تدینی نا برخلاف بلوچ یکجتی کمیٹی نا کنڈ آن “چُپی ئے پرغنگ و زوراکی نا بیگواہی تا برخلاف بش مننگ” نا سرحال ئٹ بلوچستان نا جتا علاقہ آتیٹ برانز نا پڑو کننگانے۔
دا وختا اسکان کراچی و حب چوکی ٹی بی وائے سی نا کنڈ آن برانز اڈ تننگانے برانزی لڑ ئنا اینو مسٹمیکو دے خضدار ئٹ برانز مرو۔
