بلوچستان لبریشن فرنٹ نا ادارہ آشوب پبلیکیشن نا کنڈ آن تُوئی میگزین “اسپر” شنگ کننگا۔
آشوب نا کنڈ آن ورنا تا فکری و نظریاتی ہیل کاری کن "اسپر” میگزین شنگ کننگانے۔
دا میگزین تینا نوعیت نا اولیکو میگزین ءِ، ہراٹی بی ایل ایف نا دا زوت ئنا تُوئی کارروائی تا شابیت حوالک، چمشانک و تیبئی تیدریک اوار کننگانو۔ داڑتون اوار ڈاکٹر اللہ نذر بلوچ نا چائندئی کلہو و بی ایل ایف نا جہد ئنا بارو ئٹ کڑمبی ئٹ لکھوکا نوشت آک ہم اوار ءُ۔
دا میگزین ئٹی شہید اختر بلوچ نا عظیم انگا قربانیک و اونا ساندہ کن زندہ سلوک جہد آ اسہ خاص مضمون ئس اوار ءِ، ہرا خوانوکا تِہ جہدِ آجوئی نا دیہاڑ و شہید آتا عظیم فلسفہ نا بارو ئٹ سرپندی ایتک۔
بی ایل ایف تینا درشان ئٹ پارے کہ ننے یخین ءِ کہ ننا دا اولیکو ادبی و نظریاتی کوشست نُما ذوق و پُہہ مننگ نا لائخی ئے جارات ایتو۔ نُما نہادی آ کمک ئٹ نن بروکاتم ئٹ "اسپر” میگزین نا چائندئی و فکری قدر ئٹ پین زیبائی ودی کرون، تاکہ دا بلوچ ورنا تیکن اسہ گچینو موہکشی ئسے نا ذریعت جوڑ مرے۔
