لسبیلہ: بلوچ یکجہتی کمیٹی نا کنڈ آن اینو حب چوکی ٹی برانز نا پڑو کننگانے۔ برانز جاہ آ پولیس مُچ ءِ، خلیس ءِ کہ او برانز ئے توننگ نا کوشست کرور۔
حوال تا رد ئٹ اینو حب چوکی ٹی بی وائے سی نا کنڈ آن اڈ ہلوک برانز نا توننگ کن بھلو کچ ئسیٹی پولیس لسبیلہ پریس کلب حب ئنا مونا مُچ مسنے۔
بلوچ یکجہتی کمیٹی نا کنڈ آن استو چاگڑدی حوالکاری میڈیا غا بیان ئس شنگ کرسا اینو زوراکی نا بیگواہی تا برخلاف حب چوکی ٹی برانز نا پڑو کننگاسس۔
یات مرے درو زوراکی نا بیگواہی تا برخلاف بلوچ یکجہتی کمیٹی نا کنڈ آن کراچی ٹی برانز اڈ تننگاسس۔ برانز نا وختا پولیس ارش کرسا بلوچ یکجہتی کمیٹی نا بنجائی ڈپٹی آرگنائزر لالا وہاب و پین چھار بندغ دزگیر کریسس۔
اینو حب چوکی ٹی برانز جاہ آ پولیس نا مُچ مننگ آن خلیس ءِ کہ او برانز ئے توننگ نا کوشست کرور۔
