بلوچ نیشنل مومونٹ نا چیئرمین ڈاکٹر نسیم بلوچ چاگڑدی حوالکاری تلہ ایکس آ تینا اسہ پوسٹ ئسیٹی پارے کہ ای کراچی پریس کلب نا مونا ایمنی ئٹ برانز کروکا بلوچ برانزی تیا پاکستانی لشکر نا ارش و بیدادی نا مذمت ئے کیوہ۔
او پارے کہ دا گِڑا ئے منیپنہ کہ ایلوفتہ برانز نا موکل تننگا، و بلوچ برانزی تیا، زوراکی نا بیگواہی تا برخلاف برانز کننگ آ تاغت و دزگیری کاریم ئٹ ہتنگ مس۔
او پارے کہ لالہ وہاب، سیف، بابو امتیاز، آفتاب و عطاء اللہ نا دزگیری بندغی حق آتا پھاش لتاڑ ءِ۔ اوفتِہ دمدستی یلہ کننگ مرے و بلوچستان ئٹی زوراکی نا بیگواہی تا لڑ ایسر کننگ مرے۔
