بلوچستان نا ضلع کیچ آن حوال رسینگانے کہ کیچ ئنا علاقہ نگور آن پاکستانی لشکر اسہ ورناس زوراکی ئٹ بیگواہ کرینے ہرا دوست محمد نا مار چراغ دوست نا پن ئٹ درست مسنے۔
کیچ آن زوراکی ئٹ بیگواہ کننگوک ورنا تون اوار برجاء تُو ئٹی زوراکی ئٹ بیگواہ کننگوک بلوچ آتا کچ 70 آن گیشتر مس۔ ہرافتیان 64 نا چاہنداری مسنے، ہرافتِہ بلوچستان نا جتا علاقہ تتون اوار کراچی آن زوراکی ئٹ بیگواہ کننگانے۔
برجاء تُو ئٹئ بلوچستان نا ضلع ڈیرہ بگٹی آن 25 آن گیشتر بندغ زوراکی ئٹ بیگواہ کننگانو ہرافتان منَٹ ئسے نا چاہنداری دائسکان مننگ کتنے، و نوشکی آن ہم برجاء تُو ئٹی 9 و کراچی آن 12 بلوچ ورنا زوراکی ئٹ بیگواہ کننگانو۔
اکتوبر نا تُو ئٹی زوراکی نا بیگواہی تا 10 کیس ضلع کیچ آن، 6 گوادر آن، حب چوکی آن 5، خضدار آن 4 و قلات آواران آن اسہ اسہ کیس رپورٹ مسنو۔
