بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا درشان ئٹی پارے کہ سرمچارک 17 اکتوبر پنچ شمبے نا دے شام ئنا ہشت بجہ غا خاران شار ئٹی گزی روڈ آ اڈ کروک پاکستانی لشکر نا چوکی آ مُر خلوک سلاہ تیٹ جلہو کرسہ اوفتا سنگر ئٹی ساڑی اسہ کارندہ ئسے مرگ ئنا گواچی کریر ہراکان پد چیک پوسٹ آ گرنیڈ لانچر ئٹ جلہو کرسہ ودیک جانی و مالی نسخان تسر۔
ترجمان پارے کہ جلہو آن پد لغور آ دشمن اُلس ئٹ خلیس تالان کننگ کن تینا مون سُمکاری کرے ولے سرمچارک سرسلامتی ئٹ تینا جاگہ ئے سر مسر۔
میجر گہرام بلوچ نا رِد ئٹ ارٹمیکو کاروائی ٹی سرمچارک 17 اکتوبر آ ویگہ نا جھاؤ نا ہند کوہڑو ٹی اڈ کروک دشمن لشکر نا بھلا کیمپ ئنا رکھوک سنگر ئٹی کارندہ ئسے اسنائپر ئٹ ٹک کرسہ مرگ ئنا گواچی کریر۔
او مُستی پارے کہ بلوچستان لبریشن فرنٹ دا تومکا جلہو تا ذمہ واری ئے ارفیک و دشمن لشکر نا پیشتمنگ اسکان ریاستی لشکر و ماڑی تہ ٹک کرون۔
