حوال تا رد ئٹ قلات ئٹی لیوئز چوکی آ جلہو ئس مسنے ہراٹی اسہ لیویز کارندہ مرگ ئنا گواچی اندن اِرٹ ٹپی مسنو۔ ایلو کنڈ آن تربت ئٹ لشکر کشی نا تیاری مننگ ءِ۔
شابیتی حوال تا رد ئات قلات ئٹی یونین کونسل نیچارہ ٹی دست مفروکا سلاہ بند بندغ آک لیویز چیک پوسٹ آ جلہو کرینو، اسہ کارندہ ئس مرگ ئنا گواچی، و ارٹ ٹپی مسنو۔
کھئوکا کارندہ غوث بخش نیچاری نا مار عبدالقیوم نا پن ئٹ درست مسنے اندن پائند خان نیچاری نا مار رحمت اللہ و نورجان نیچاری نا مار محمد عثمان ٹپی مسنو۔
کھئوک و ٹپی مروکا تِہ ڈسٹرکٹ ہیڈ کوارٹر اسپتال قلات آ راہی کننگانے۔
ایلو کنڈ آن کیچ ئنا بنجائی شار تربت ئٹی بھلو کچ ئسیٹی لشکری سُر پُھر خننگ مسنے۔
حوال تا رد ئٹ تربت نا علاقہ کساک نا قطبی مش تا لڑ تا پاسوئی پاکستانی لشکر گھام خلنگ ءِ۔
پن کروک علاقہ ٹی بیست آن گیشتر ُلاخ آ ساڑی لشکری کاروان سر مسنے۔
