کولواہ ٹی سلاہ بند بندغ آک پاکستانی لشکر ئے اسہ جلہو ئسیٹی ٹک کریر ہراڑان گڈ لشکر ہمو علاقہ ٹی سُم کاری کرے و اسہ چُناس ٹپی مس۔
ٹپی مروکا چُنا نا چاہنداری کولواہ نا ہند مراستان و باتیل نا جہی روشن ولد فکیر نا پن ئٹ مسنے۔
حوال تا رد ئٹ پاکستانی لشکر آ اینو سلاہ بند بندغ آک جلہو کریر ہراکان گڈ پاکستانی لشکر لس مخلوق آ سُم کاری بناء کرے ہراڑان اسہ چُناس ٹپی مسنے۔
جلہو نا ذمہ واری ءِ بلوچستان لبریشن فرنٹ ہرفینے و بی ایل ایف نا ترجمان میجر گہرام بلوچ تینا درشان ئٹی پارینے کہ سرمچار آتا سرسوب جلہو آن گُڈ لغور آ پاکستانی لشکر نا کارندہ غاک لس مخلوک آ سُم کاری کریر ہرا نا سوب آن اسہ چُناس ٹپی مس۔
یات مرے کہ پاکستانی لشکر داکان مُست ہم سلاہ بند بندغ آتا جلہو آن گڈ لس مخلوق ئے ٹک کرسہ نسخان تسنے۔
