قلات نا اِرا جاگہ آتا کاریم کروکا تعمیراتی کمپنی پی ٹی اے نا کیمپ آ جلہو کننگانے۔
بلوچستان نا ضلع قلات ئٹی سد آن زیات سلاہ بند بندغ آک تعمیراتی کمپنی نا اِرا کاریمی ہند آتیا ٹک کریر و مشین تہ ہُشار۔
ضلعی انتظامیہ نا رد ئٹ سلاہ بند بندغ آک قلات و منگچر ئٹی تعمیراتی کمپنی پروگریسیو ٹیکنیکل ایسوسی ایٹس ( پی ٹی اے) نا دہ آن گیش کارندہ تہ دزگیر کننگ آن پد تینتون دریر۔
تدینی آن پد پولیس و پاکستانی لشکر نا بھلو کچ ئس جلہو جاگہ غا ہنانے و برمتہ مروکا تا پٹ ءَ پول ئے کننگ ءُ۔
قلات پولیس نا رد ئٹ لشکری کارندہ غا تا بھلو کچ ئس ریسکیو آپریشن بناء کرینے، واہم شام مننگ و مشی ہند ئنا سوب آن ریسکیو آپریشن ئٹی ہڑاند مسنے۔
داکان مُست قلات نا ہندمہلبی ٹی مرجان نا جہہ آ سلاہ بند بندغ آک تعمیراتی کمپنی نا مشین تِہ ہشِسہ بھُس کریسُر۔
جلہو نا زمہ واری ئے دائسکان ہچو تنظیم ئس ہرفتنے۔
