بلوچ راہشون ڈاکٹر ماہ رنگ اسہ پریس ریلیز ئسیٹی پارے کہ 14 اکتوبر آ ای تینا ایڈوکیٹ جبران ناصر تون سندھ ہائی کورٹ ئٹی تینا دُزی مروکا پاسپورٹ و موبائل فون ئنا دوئی مننگ کن درخواست تسوٹ، ہرا 08 اکتوبر نا شام کراچی ائیرپورٹ آن واپس بننگ آ کنے آن پلنگاسر۔
او پارے کہ عدالت ایس ایس پی و ایس ایچ او ملیر ئے نوٹس شنگ کرسا 21 اکتوبر اسکان دُزی مروکا مڈی تا پٹ ءَ پول ئنا پنت تس۔
کراچی پولیس نا کنڈ آن جمعہ نا دے کنا برخلاف مروکا دروغ و بے بنیات ایف آئی آر ئے کورٹ پھاش ثبوت آتا ہُننگ آن پد تینا دعویٰ تہ دروغ ثابت کننگ آن پد رد کرے۔ سندھ ہائی کورٹ دا ہم پارے کہ کنے کالخواک ہچ وڑ ئٹ تننگ کننگ کپسہ۔
