حوال تا رد ئٹ گوادر آن پاکستانی لشکر اسہ اُرا ئسے آ ارش کرسا اُراٹی ساڑی بندغ آتہ بیدادی نا گواچی کرینے و اسہ بندغ ئس دزگیر کرسا و تینتو درینے ہراکان گڈ اونا ہچ ڈس اف۔
بلوچ نیشنل موومنٹ نا بندغی حق آتا ادارہ پانک تدینی نا رد ئٹ پارینے کہ عمران بلوچ ئے پاکستانی لشکر زوراکی ئٹ اونا اُراغان بیگواہ کرینے ہرا تینا اُرا نا کھٹیا کروکا اسٹ آ بندغ ءِ۔
بی این ایم نا ادارہ پانک ئنا رد ئٹ 3 اکتوبر آ عمران بلوچ ئے پاکستانی لشکر زوراکی ئٹ بیگواہ کرینے ہرا اسہ بزغر ئس ءِ و تینا خاہوت نا اسٹ آ کھٹیا کروکا بندغ ءِ۔
