بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک اپسی کھن و کولواہ ٹی کوزہ گیر پاکستانی لشکر نا کیمپ و چوکی آ جلہو کرسا مُسہ کارندہ مرگ ئنا گواچی کریر و کیہی تِہ ٹپی کریر۔
او پارے کہ یانزدہ اکتوبر آ دے ئنا دو بجہ و پنجہ منٹ آ سرمچارک تمپ، اپسی کھن و شیپچار نا نیام ئٹی ساڑی کوزہ گیر پاکستانی لشکر نا چوکی آ سلوک کارندہ ئے سُمکاری کرسا مرگ ئنا گواچی کننگ آن گڈ چوکی ئے پوسکن آ سلاہ تیٹ ٹک کریر، ہراٹی دشمن ئے ودیک جانی و مالی نسخان ہرفوئی تما۔
ترجمان پارے کہ اسہ پین جلہو ئسیٹی سرمچارک یانزدہ اکتوبر آ دے ئنا چھار بجہ غا کیچ ئنا ہند ڈنڈار کڈے ہوٹل ئٹی ساڑی کوزہ گیر پاکستانی لشکر نا کیمپ آ پوسکن، بھلا و خودکار سلاہ تیٹ جلہو کریر۔ جلہو ئٹی دشمن نا اِرا کارندہ مرگ ئنا گواچی مسر و کیہیک ٹپی مسُر۔
او ایسر ئٹ پارے کہ بلوچستان لبریشن فرنٹ دا جلہو تا زمہ واری ئے ہرفک و سرزمین نا تیبہ آجوئی اسکان کوزہ گیر لشکر آ جلہوک ننا برجاء مرور۔
