حوال تا رد ئٹ بلوچستان نا ضلع سبی نا علاقہ مال گوریج ئٹی کسر جوڑ کروکو کمپنی ئسے نا ہند آ کھڈ کروک بمب ئس ترخا ہراٹی اِرا بندغ بھاز ٹپی مسر۔
ٹپی مروکا تِہ دمدستی جانجوڑی کمک کن خڑک ئنا اسپتال آ راہی کننگا و تدینی آن گڈ پاکستانی لشکر تدینی نا جہہ آ سر مرسا علاقہ ئے گھیرہ کرے و پٹ ءَ پول بناء کرے۔
پن کروک جلہو نا ذمہ واری ئے بلوچ آجوئی خواہوک تنظیم بلوچ ریپبلکن گارڈز ہرفے۔
بلوچ ریپبلکن گارڈز نا ترجمان دوستین بلوچ تینا شنگ کروک بیان ئٹی پارے کہ ننا سرمچارک اینو سبی ٹی کسر جوڑ کروکو اسہ کمپنی ئسے نا بلڈوزر ئے کھڈ کروک بمب ئسیٹ ٹک کریر۔
او پارے کہ بی آر جی نا سرمچارک بلوچستان نا علاقہ سبی نا خڑک مل گورگیج ئٹی کسر جوڑ کروکو کمپنی ئسے نا اسہ بلڈوزر ئسے کھڈ کروک بمب ئسیٹ ٹک کریر، تراک ئٹ اُلاخ تیبہ بھس مس و اونا ڈرائیور ٹپی مس۔
ترجمان پارے کہ بلوچ ریپبلکن گارڈز دا جلہو نا ذمہ واری ئے ہرفک۔ بلوچستان نا آجوئی اسکان کوزہ گیر پاکستانی لشکر و اونا شریکدار تیا ننا جلہوک برجاء مرور۔
