پشتون تحفظ موومنٹ نا موہکش منظور پشتین تینا شنگ کروک بیان ئٹی پارینے کہ جرنیل آتا فرمانبردار غلام محسین نقوی کون آ داڑیل آتا پشتون جرگہ آن خلیس اسل راست ءِ انتئے کہ پشتون آتا دتر آ او ارب آ ڈالر آتا کھٹیا کننگ ءُ و اوفتا راجی مڈی تِہ لُٹِسہ اوفتیا تینا کاروبار اڈ تننگ ءُ، ہرادے داسا بند مروئی ءِ۔
او پارے کہ دا اسہ راستکی ئس ءِ و تیبہ جہان دا نا شاہد ءِ کہ پی ٹی ایم ایمنی ئٹ جہد کروکو تحریک ئس ءِ و پشتون جرگہ تینا ایمنی و وسائل آتا حق کن اڈ تننگ ءِ و دا جرگہ پی ٹی ایم نا اف بلکہ کل پشتون آتا جرگہ ءِ، ولے جرگہ و پی ٹی ایم آ ارش کرسا نُما خیال ءِ کہ جرگہ بےسوب مرو تو نُم ڈالری جنگ و بختونخوا نا وسائل آتا لُٹ پُل ئے برجاء تخورے، دا نما ردی ءِ۔
منظور پشین پارے کہ محسن نقوی تون اوار کُل داڑیل آک یات تخر کہ نُما پشتون آتیا زوراکی، تادی و لُٹ پُل ئے بند مروئی ءِ ولے ہرا وڑ ئنا کاریم بلوچستان آن ہلیس خیبر پختونخوا اسکان کیہی دے آن نُم کننگ اُرے او جرنیل آتتون اوار بنجاہ و صوبہ آتیان دا نا حساب کتاب پختون المی کرو۔ و پختون جرگہ انشاء اللہ ضرور مرو۔
