بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ سرمچارک زامران، ہیرونک و خاران ئٹی مُسہ جتاؤ جلہو تیٹی پاکستانی لشکر و دشمن نا کمکار ئسے ٹک کرسا مرگ ئنا گواچی کرینو۔
او پارے کہ ہشت اکتوبر سئے شمبے نا دے ویگہ نا شش بجہ غا کیچ ئنا ہند زامران ئٹی ڈیلکک نا جہہ آ پاکستانی لشکر نا چوکی ئے پوسکُن و بھلا خودکار سلاح تیٹ جلہو کرسا ٹک کننگا۔ جلہو ئٹی دشمن لشکر نا اسہ کارندہ ئس مرگ ئنا گواچی مس۔ ایلو جلہو ئٹی سرمچارک نُہہ اکتوبر آ یک و نیم بجہ غا کیچ ئنا ہند ہیرونک ئٹی مش ئنا زی آ پاکستانی لشکر نا چوکی ئے خودکار سلاح تیٹ جلہو کرسا دشمن ئے جانی و مالی نسخان تسُر۔
او پارے کہ اسہ پین جلہو ئسیٹی ہشت اکتوبر آ شام ئنا ہفت بجہ غا خاران ئٹی چیف چوک ئنا ہند آ سرمچارک سُمکاری کرسا ریاست نا کمکار و کارندہ شفیع محمد یلانزئی ئے مرگ ئنا گواچی کریر۔
ترجمان پارے کہ شفیع محمد یلانزئی ایف سی و ڈھکوک ایجنسی تیکن جاسوسی کریکہ و بلوچ الس ئنا برخلاف کیہی ریاستی آپریشن تیٹی کمک کرینے ہرادے استو خاران ئٹی سرمچارک سُمکاری کرسا مرگ ئنا گواچی کریر۔
اونا ودیک پاننگ اس کہ نن کُل ریاستی دلار و مخبر آتِہ خبڑدار کینہ کہ اوفک تینا دننگا کاریم تیان دو کشیر نہ تو اوفتا ایسر ہم شفیع محمد نا وڑ ئٹ مرو۔
میجر گہرام بلوچ ایسر ئٹ پارے کہ بلوچستان لبریشن فرنٹ دا ہر مُسہ جلہو تا زمہ واری ئے ہرفک و آزاد بلوچستان اسکان لشکر و اونا کُمکار تِہ ٹک کرسا کرون۔
