بلوچستان نا ضلع ڈیرہ بگٹی نا جتا علاقہ آتیٹ پاکستانی لشکر نا لشکر کشی برجاء ءِ ہراٹی چُنا نیاڑی تتون اوار ہشت بندغ ٹپی مننگ نا حوال رسینگانے۔
حوال تا رد ئٹ ڈیرہ بگٹی نا تحصیل سوئی نا علاقہ لنجو، سغاری و رئیس توخ ئٹی پاکستانی لشکر نا بھلو کچ ئسیٹی آپریشن برجاء ءِ۔
لنجو سغاری ٹی فوجی ہیلی کاپٹر آک قبائیلی سروک وڈیرہ نور علی خان نا اُراغا شیلنگ کریر ہرا نا سوب آن اونا اُرا نا چُنا نیاڑیک ٹپی مسر۔
اندن لنجو سغاری ٹی صدیق دیناری بگٹی پنیئو اسہ پین بندغ ئسے نا اُراغا ہم پاکستانی لشکر نا ہیلی کاپٹر آک شیلنگ کریر ہراڑان اسہ نیاڑی ئسے تون اوار اسہ چُناس ٹپی مس۔
اندن پن کروک علاقہ ٹی لشکر کشی و ہیلی کاپٹر آتا شیلنگ نا سوب آن مخلوق نا مال و ساہدارک ٹپی مسر و کھسکر۔
ہندی حوال تا رد ئٹ سندھ ئنا ضلع کشمور نا کنڈ آن دہ آن گیشتر بکتر بند تون اوار چِھل گاڑی تا کاروان لنجو سغاری ٹی پیہانے۔
خلیس ءِ کہ آپریشن پین ودفنگو و گیشتر علاقہ آتیٹ تالان کننگو۔
