یونائٹیڈ بلوچ آرمی نا ترجمان مزار بلوچ تینا شنگ کروک بیان ئسیٹی پارینے کہ کوہستان مری ٹی اسہ وار پدا جنگلی ساہدار تا بے کچ شکار مننگ ءِ ہراڑا ہنوکاتم ئٹ ہم بلوچ آزادی خواہوک تنظیم و بلوچ قوم پرست راہشون شہید بالاچ خان مری نا کنڈ آن سختی ئٹ رکھ خلنگاسس و دا ڈوہ ئٹی تُد بندغ آتیا مالی جرمانہ ہم خلنگاسس۔
او پارے کہ دا منَہ وخت ئٹی داٹی پین ودکی مسنے ہرا نا سوب آن ننا تنظیم یونائٹیڈ بلوچ آرمی نا کنڈ آن جنگلی ساہدار تا رکھ کن اسہ وار پدا الس آ پھاش و سخت انگا لوز آتیٹ جنگلی ساہدار تا شکار آ رکھ خلنگک۔
اونا پاننگ اس کہ اگہ کس ئس ہم دا رکھ آن چپ ہنا تو او بندغ آ ننا تنظیم نا کنڈ آن سخت آن سخت سزا و مالی جرمانہ ہم خلنگو۔ نن اسہ وار پدا کوہستان مری نا الس آن خواست کینہ کہ تینا علاقہ ٹی جنگلی ساہدار تا رکھ کن ننے کمک کبو و جنگلی ساہدار تا رکھ ئے تینا راجی ذمہ واری سرپند مرسا تینا ذمہ واری تِہ پورو کبو تاکہ جنگلی ساہدار تا رکھ یخینی مرے۔
او پارے کہ دا رکھ بیرہ الس کن اف بلکہ داڑا عمل کننگ تنظیم نا ہر باسک ئنا ذمّہ واری ہم ارے۔
