بلوچ لبریشن آرمی نا کنڈ آن استو ننکان چینی شاری تا کاروان آ جند ندر جلہو ئس کننگا ہراٹی اِرا چینی شاری نا کھئینگ و اسٹ نا ٹپی مننگ ئے چینی سفارت خانہ نا کنڈ آن پک کننگانے۔
ولے پولیس نا رد ئٹ مُسہ چینی شاری کھسکنو ہرا لی جون، وہ چون زن و لی زہااو نا پن ئٹ درست مسنو۔
اندن جند ندر جلہوکار نا چاہنداری و عکس آتِہ بی ایل اے نا میڈیا ونگ شنگ کرینے۔
بلوچ لبریشن آرمی نا رد ئٹ چینی شاری تا کاروان ئے بی ایل اے مجید برگیڈ نا جند ندر سرمچار شاہ فہد عرف آفتاب ٹک کرینے۔
بی ایل اے نا رد ئٹ شاہ فہد بارود آن پُھر گاڑی ئے چینی تا کاروان تون ٹھکر تس۔ فدائی شاہ فہد کراچی ٹی جناح ائیرپورٹ آن پیشتموکا چینی انجنیئر و سرمایہ کار آتا کاروان ئسے وی بی آئی ای ڈی جلہو ئٹ ٹک کرے۔
پاننگک کہ جلہو ئٹ کیہی چینی کھسکنو ہرافتیان دائسکان مُسہ چینی شاری درست مسنو و کیہی فوجی کارندہ غاک ہم مرگ ئنا گواچی مسنو ہرافتا کچ ئنا بارث ئٹ دائسکان پکؤ حوال اف۔
