بلوچستان لبریشن فرنٹ نا سرمچار تا کنڈ آن مستونگ نا جتا علاقہ تیٹ راجی آجوئی، راجی شہید و نشہ بہا کروکا تا بارث ئٹ وال چاکنگ کننگا و اندا بارث ئٹ بی ایل ایف نا سرمچارک تینا بلوچ الس تون ہیت کریر۔
سرمچارک پاریر کہ دُز و نشہ بہا کروکا تِہ خبڑدار کینہ کہ او تینا دننگا کاریم تیان پدی مریر نہ تو تینا نسخان نا ذمہ وار تینٹ مرور۔
بی ایل ایف نا سرمچارک الس آن خواست کریر کہ او بحیثیت بلوچ فرزند تینا راجی سرمچار تتون ہر وڑ ئنا تعاون کیر و بلوچ راجی تنظیم بی ایل ایف نا کمک ئے کیر۔
او پاریر کہ بی ایل ایف ئے ہراڑے ہم وارخواہی رسینگا او ریاستی لشکر و اونا کمکار تِہ ٹک کرور تو الس ریاستی لشکر و ریاستی کمکار تیان مُر مرے۔
او پاریر کہ ریاستی لشکر، ریاستی ڈٹ و ریاستی کمکار تِہ آزاد بلوچ ریاست نا دوئی مننگ اسکان ٹک کرون۔
ہندی حوال تا رد ئٹ سرمچار آتا دوٹی بی ایل ایف نا بیرک اس و چاگڑدی حوالکاری میڈیا غا تالان مروک وڈیو تیٹ خننگ مریک کہ سرمچارک دیوال تیا چاکنگ کننگ ءُ و مخلوق تون ہیت کننگ ءُ۔
