قطبی وزیرستان نا ہند سپن وام ئٹی پاکستانی لشکر آ زوراکو جلہو ئسے ٹی سُم کاری آن اسہ لیفٹننٹ کرنل ئسے تون اوار پنچ سپاہی خلنگانے و اسہ افسر ئسے تون اوار 21 کارندہ ٹپی مسُنے۔
پاکستانی لشکر و آئی ایس پی آر نا رد ئٹ 4 و 5 اکتوبر نا نن ئٹی کارروائی کننگانے، سُم کاری آن لیفٹننٹ کرنل محمد علی شولت تون اوار پنچ کارندہ مرگ ئنا گواچی مسنو۔
آئی ایس پی آر پارے کہ کھئوکا 5 سپاہی تیٹی لانس نائیک محمد اللہ، لانس نائیک اختر زمان، لانس نائیک شاہد اللہ، لانس نائیک یوسف علی و سپاہی جمیل احمد اوار ءُ۔
مونا پارے کہ لیفٹیننٹ کرنل محمد علی شولت آپریشن نا سروکی ئے کننگ ئٹی مسنے۔
کھئوکا تیٹی 43 سالی لیفٹیننٹ کرنل محمد علی شوکت نا تعلقداری فیصل آباد ءِ، ـ30 سالی لانس نائیک نا تعلقداری ضلع خیبر آن ءِ،ـ 30 سالی لانس نائیک اختر زمان نا تعلقداری ضلع لکی مروت آن ءِ، 29 سالی لانس نائیک شاہد اللہ نا تعلقداری ٹانک آن ءِ، 31 سالی لانس نائیک یوسف علی نا تعلقداری لوئر و کزئی آن ءِ ـ سپاہی جمیل احمد نا تعلقداری ضلع سوات آن ءِ۔ـ
