مند سول سوسائٹی نا جارکش اسہ پریس ریلیز ئسیٹی پارینے کہ سرکاری ریکارڈ نا رد ئٹ مند ئٹی ملا فاضل پبلک لائبریری نا پنا ہر سال 15 لکھ آن 60 ہزار روپئی تننگک، مند ئٹی دہنو لائبریری ساڑی افک۔ او سوج کریر کہ دا پیسہ غاک ارانگ کارہ۔
سول سوسائٹی نا جارکش نا پاننگ ءِ کہ دا بیرہ مند پبلک لائبریری نا ویل اف بلکن تیبہ کیچ ئٹی ساڑی کل لائبریری تا فنڈ آ تیٹ کرپشن مننگ ءِ۔
او ضلعی انتظامیہ و اینٹی کرپشن ادارہ آن خواست کرے کہ او دا ویل ئنا پٹ ءَ پول ئے کے، کرپشن ئٹی تُد بندغ آتا برخلاف کاروائی کے و کنوکا پیسہ غا تِہ سرکاری خزانہ ٹی ایتر۔
او دڑکو تس کہ اگہ دا خواست آک پورو متوس گڑا نن عدالت نا در ئے ٹھکیفون۔
سول سوسائٹی نا جارکش مطالبہ کرے کہ زو مند ئٹی ملا فاضل پبلک لائبریری جوڑ کننگِہ۔
