تجابان ئٹ سلاہ بند بندغ آتا جلہو ئٹی پاکستانی لشکر نا کیمپ ئے ٹک کننگانے۔
حوال تا رد ئٹ کیچ ئنا ہند تجابان ئٹی سئے و چھار اکتوبر نا نیامیکو نن سلاہ بند بندغ آک پاکستانی لشکر نا کیمپ آ راکٹ و ایلو بھلا سلاہ تیٹ جلہو کرینو۔
ہندی حوال تا رد ئٹ علاقہ ٹی سخت سُمکاری و تراک آتا توار بننگانے، جلہو ہُرے اسکان برجاء مسنے ہرانا سوب آن لشکر ئے بھاز نسخان ہرفوئی تمانے۔
جلہو آن پد لشکری کارندہ غاک ہند ئٹی مارٹر گولہ خلکُر دائسکان پین جانی نسخان نا حوال اف۔
جلہو نا زمہ واری ئے دائسکان ہچ تنظیم ئس ہرفتنے۔
