بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک تربت ئٹی پاکستانی آرمی نا ہیڈ کوارٹر ئے اِرا پاسو آن ٹک کریر، اسہ کنڈ آن راکٹ لانچر( آر پی جی) و ایلو کنڈ آن گرینیڈ لانچر تیٹ سخت جلہو کننگا۔ راکٹ نا گولہ آک کیمپ ئنا تہٹی تمار ہراڑان دشمن ئے سخت جانی و مالی نسخان رسینگا۔
او پارے کہ دا کاروائی ئے بی ایل ایف نا سرمچارک 04 اکتوبر جمعہ نا دے دو بجہ و پانزدہ منٹ آ کریر۔
اونا پاننگ اس کہ تنظیم نا گوریلہ حکمت عملیک ہر محاذ آ دشمن ئے سخت نسخان تا گواچی کرینو، ہرانا سوب آن دشمن نفسیاتی دباؤ و خلیس نا گواچی ءِ۔ دا خلیس ئٹی لشکری کارندہ غاک سرمچار آتا جلہو آن پد الس آ تینا مون سُمکاری کیرہ۔
ترجمان پارے کہ اینو نا جلہو آن پد دشمن بے کچ سُمکاری کرے، ولے بلوچ سرمچارک سرسلامتی ئٹ تینا رکھکوک ٹھکانہ غا تیا سر مسُر۔
او ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و ہموتم اسکان تینا کاروائی تِہ برجاء تخنگ نا سوغند کیک ہراتم اسکان فوج تیبہ غا ننا ڈیہہ آن پیشتمتنے۔
