بلوچستان نا دریابی شار گوادر ئٹ پاکستانی لشکر چیک پوسٹ آن اِرا بندغ زوراکی ئٹ بیگواہ کرے۔
پاکستانی لشکر درود کنڈگ چیک پوسٹ آن اِرا بندغ دزگیر کننگ آن گڈ بیگواہ کرے ہرا دشت ئنا ہندی مراد محمد نا مار شعیب و دشت ئنا ہندی حاجی داد محمد نا مار کمال نا پن ئٹ درست مسنو۔
پن کروک بندغ آتِہ ہموتم دزگیر کننگا ہراتم اوفک تینا اُرا نا پارہ غا سفر کننگ اسر۔
خیال مرے کہ تدوکا کہیی دے آن دشت و گوادر نا علاقہ غاک فوجی آپریشن آتا دک ئٹی ءُ ہراڑے آبادی تیا چھاپہ خلنگانے وختس کہ زوراکی نا بیگوائی تا تدینیک ہم رپورٹ مسنو۔
