خضدار آن رسینگوکا حوال تا رد ئٹ کاؤنٹر ٹیررزم ڈیپارٹمنٹ “سی ٹی ڈی” اسہ کارورائی ئسیٹی 4 بندغ خلنگ نا دعوی کرینے۔
سی ٹی ڈی کوالخواہ تا رد ئٹ پنچ شمبے نا دے خضدار ئٹی سی ٹی ڈی تون مونتس ئٹ 4 بندغ خلنگانے ہرافتا جون تِہ خضدار سول اسپتال آ رادہ کننگانے۔
سی ٹی ڈی نا رد ئٹ خلنگ مروک بندغ آک کالعدم مذہبی تنظیم ئسے نا باسک مسنو۔
یات مرے کہ بلوچستان ئٹی پاکستانی لشکر و خاص وڑ ئٹ سی ٹی ڈی و ایف سی نا کاروائیک مشکوک ءُ، دنو بھاز تدینی مونا بسنے کہ او دروغ ئنا مونتس آتیٹ مُست آن بیگواہ کننگوک بندغ آتَہ خلکنو۔
واہم اینو خضدار ئٹ مروکا دا تدینی نا بارث ئٹ دائسکان ودیک حوال مونا بتنے نئے کہ خلنگ مروک چھار بندغ درست مسنو۔
