بلوچستان نا دریابی جہہ پسنی ٹی سلاہ بند موٹر سئیکل سوار بندغ آتا سُمکاری آن دودا ناصر و ریاض پِنیئو اِرا ورنا ٹپی مسُنو، ہرافتان اَسٹ نا حالیت خراب ءِ۔
پاننگیک کہ پن کروک بندغ بنگلہ بازار ئٹی ناصر سروس آ تولوک اسک کہ نا درست آ سلاہ بند موٹر سئیکل آ تولوک بندغ آک اوفتے ٹک کریر۔
یاتی مرے کہ دودا ناصر نا آجوئی کن اونا باوہ ناصر ایلو بیگواہ غا بندغ آتا خاہوت آتا وڑ کیچ آن اسلام آباد اسکان بلوچ یکجہتی کمیٹی نا مارچ ئٹی اَوار اسک، پدا دودا آجو مس۔
نُمے خبر مرے کہ دا اولی وار اف داکان مُست ہم پاکستانی لشکر ڈھکوک ادارہ آتا کارندہ آک آجو مروکا بندغ تِہ جلہو کرسا خلکُنو یا ٹپی کرینو۔
