سید ظہور شاہ ہاشمی ریفرنس لائبریری ٹی ملیر ایکسپریس وے نا زد ئٹ، ملیر نا دیہات و زرعی ڈغار تا بھس کاری و آلودگی ودیفنگ نا ویل آ تیا مجلس اڈ مس۔
ہراٹی ہیت کروکا و صلہ تروکا تا کنڈ آن قرارداد پاس کننگا، کہ ملیر قائد آباد پُہل آ جوڑ مروکا انٹر چینچ نا ڈیزائن ئے بدل کرسا ہندی آبادکاری تون اوار ظہور شاہ ہاشمی ریفرنس لائبریری ئے بچفنگِہ۔
اندن ملیر جھل ئنا انتظام آتے یخینی جوڑ کننگِہ۔ و ہندی بندغ آتا سروے زمین تِہ ملیر ایکسپریس وے نا زد آن بچفنگ مرے۔
کننگوکا قرارداد ئٹی اوار ءِ کہ متکنا قبر و تاریخی و تہذیبی ہند آتے بھس کننگ آن بچفنگِہ۔
خواست آ تِہ لائبریری کمیٹی نا سیکریٹری ایڈوکیٹ عمران بلوچ مونا ہیس و تران کروکا تیٹ سلمان بلوچ، عظیم دھکان، کلیم اللہ لاشاری، عثمان بلوچ، ذوالفقار علی بھٹو جونیئر، پروفیسر رمضان بامری و ایلو اوار اسر، میزبانی نا زمہ واری تِہ کامریڈ حفیظ بلوچ پورو کرے۔
