پنجگور نا علاقہ گچک ئٹ پاکستانی لشکر نا ڈکھکوک ادارہ آک زالبول آتون اوار ایلو بندغ آتیا بیدادی نا کوشست کرینو۔
حوال تا رد ئٹ استو پنجگور نا ہند گچک ئٹی کرک ڈل ئنا ہند آ ملا پیز پنیئو بندغ ئسے نا اُراٹی برام ئس اسک، برام ئٹی اِرا موٹرسائیکل، ہرافتیا پاکستانی لشکر نا کارندہ آک سوار اسُر و موٹر سائیکل آتون برام نا دعوت ئٹی پیہار و گشت کریر۔
ہندا وختا اوفک زالبول آتیا بیدادی کریر و اوفتے تیتون اوار دننگ نا کوشست کریر۔
حوال تا رد ئٹ ہندی بندغ آک ڈکھکوک ادارہ آتا کارندہ تِہ دزگیر کرسا لٹ کٹ کریر پدا یلہ تسُر۔
ہندی حوال تا رد ئٹ اوفتا ہننگ آن پد پن کروک علاقہ ٹی ڈکھکوک ادارہ آتا کارندہ غاک پھیری کننگ ءُ۔
دا رد ئٹ دائسکان ودیک حوال مونا بتنے۔
