گوادر فقیر کالونی آن بیگواہ کننگوک عبداللہ سمالانی نا خاہوت اسہ بیان ئس شنگ کرسا پارے کہ چھانڑدہ سالی آ عبداللہ سمالانی ئے 13 جون 2024 آ ننکان فقیر کالونی ٹی اُراغان بیگواہ کننگانے۔
او پاریر کہ اونا بیگواہی آن پد نن بھاز گریشان اُن و دائسکان اونا ہچ ڈس اف۔
او پاریر کہ نن بندغی حق آتا تنظیم و ذمہ وار ادارہ تیان خواست کینہ کہ او ننا کمک ئے کیر و عبداللہ نا رکھوک آجوئی کن تینا کڑد ئے سر تیر۔
او پاریر کہ دا تدینی ننا خاہوت کن بھاز ڈکھیائیو وخت اسے، و نن خواہنہ کہ دا ویل ئٹی نن کن زوت انصاف مرے و ننا چُنا رکھوک یلہ مرے۔
