اوڑدئی نا وختا مُد ئنا بدلی نا ویل و بلوچستان ئٹی بندغی حق آتا حالیت آ ہیت کننگا۔
جنیوا، سوئٹزرلینڈ ئٹی بلوچ نیشنل موومنٹ (بی این ایم) نا اسہ ڈل ئس اقوام متحدہ ٹی مُد ئنا بدلی و بندغی حق آتا خاص نمائندہ ڈاکٹر ایلیسا مورجیرا تون اوڑدئی کرے۔ دا ڈل ئٹی فہیم بلوچ، نیاز بلوچ و یوسف بلوچ اوار اسر۔
دا اوڑدئی نا وختا پارٹی نا پن کروک نمائندہ ڈل بلوچستان ئٹی بندغی حق آتا حالیت و بلوچستان آ مُد ئنا بدلی نا زہم آتیا ہیت کرے۔
او ورکنگ گروپ ئے بلوچستان ئٹی مُد ئنا بدلی تیا پاک چین ئنا ارب آ ڈالر آتا ڈٹ ئنا زہم آن سرپندی تسر۔ او بندغی حق آتا لتاڑ نا بارث ئٹ اروکاتم ئنا کچ و حساب ئے ہم تسر۔
مُد ئنا بدلی نا بارث ئٹ سرپندی تروک یوسف بلوچ ہم دا ڈل ئنا بشخ اس، او بلوچستان ئٹی مُد ئنا بدلی نا خطرناک زہم آتیا روشنائی شاغا۔ ڈل دا ہیت آ زور شاغا کہ خطہ ٹی مُد ئنا بدلی فطری اف بلکہ بندغ نا ودی کروک ءِ۔
ورندی ٹی، مُد ئنا بدلی و بندغی حق آتا ورکنگ گروپ بی این ایم نا ڈل ئے باور تس کہ او دا بھلا ویل آتیا اوڑدئی رپورٹ ئس جوڑ کرور و پاکستان آن ورندی ہلنگ کن تینا کوشست آتِہ ترند کرور۔
او مُد ئنا بدلی و بندغی حق آتا نازرک آ حالیت تون مون تننگ کن بی این ایم و ایلو ذمہ وار تنظیم آتون گیشتر خُڑکی نا ہم پاریر۔
بی این ایم برجاء تُو ئٹی جنیوا ٹی بلوچستان نا جتا ویل آتا بارث ئٹ جہانی تیبر آ سرپندی تننگ کن بھاز گچینو سفارتی مہم ئس چلفے ہرا بروکا تُو اسکان برجاء سلو۔ دا مہم نا رد ئٹ اقوام متحدہ نا جتا باسک آتون اوڑدئی کننگا و بلوچستان نا ویل آتیا سرپندی تننگا۔
