پاکستان نا صوبہ پنجاب آن بلوچستان نا خوانندہ ئس پاکستانی لشکر نا دو آن زوراکی ئٹ بیگواہ کننگانے۔
زوراکی ئٹ بیگواہ کننگوک ورنا بلوچستان نا ضلع کیچ تحصیل بلیدہ نا ہندی خان محمد نا مار حامد بلوچ نا پن ئٹ درست مسنے، ہرادے پنجاب نا شار سرگودھا بہادر شاہ روڈ آن زوراکی ئٹ بیگواہ کننگانے۔
بیگواہ کننگوک خوانندہ شعبہ سوشیالوجی نا ہفتمیکو سمسٹر ئٹی ءِ، و یونیورسٹی آف سرگودھا ٹی خواننگ اس۔ اونا سنگت آک و خاہوت اونا دمدستی آجوئی نا خواست کرینو۔
بلوچستان تون اوار پنجاب و ایلو علاقہ آتیان بلوچ آتا زوراکی نا بیگواہی تا تدینیک چرجوئی ئٹ رپورٹ مننگ ءُ و دا بیگواہ کننگوک ورناک گیشتر خوانندہ ءُ۔
