ڈیہہ ئکن قربان مسک مہربان او چاکر ئس
لگفیس ئس دشمن آتا استخان ئٹ خاخر ئس
جی مرے نے مڷ کنا سد آفرین نا ہمت ئے
صدخہ نیکن ای مریو پاننگے مہر ئٹ مادر ئس
گام گام ئٹ روشنی نا لوز لوز ئٹ آگہی
سوگو اس نا فکر دن کہ سوگو ئے گھٹ او گھر ئس
فکر نا کھل آن جتا اس سوچ نا اس بے بدل
دا گواہی ئے تِرور بولان و مشکے گوادر ئس
اَنت لکھو، انت خوانِو انت شعر ئٹ پاو یار
بیرِفیس نی گلزمین ئے آجوئی نا چادر ئس
نا جتائی آن است ئے شیشپہ خن کو اشکبار
دن چا زند ئے ہلکنے یار گُگتہار او دیگر ئس
ای مریو صد وار گوری یار نا بشخندہ کن
پد نے آن تمانے است آ مونا غم تا جمر ئس
شاہ میر چائک کسر آجوئی نا خواہک دتر
بش مرو پین چاکر ئس شاغو ئے غیر آ خاخر ئس
شاہ میر بلوچ
